Ölkə

Dünyada dopinq məsələlərinə nəzarət edənlərdən biri də azərbaycanlı olacaq

27 Dekabr 2018 16:37

Baxış: 2 047

VTB-də minimal faiz dərəcəsi ilə nağd kredit 9.9%-dən

#DOPİNQ

Azərbaycan Milli Antidopinq Agentliyinin (AMADA) direktoru Şəfəq Hüseynli Ümumdünya Antidopinq Agentliyində (ÜADA) məşvərət funksiyasını daşıyan Xüsusi İşçi Qrupuna üzv seçilib.

AMADA-dan Milli.Az-a verilən məlumata görə, sözügedən Xüsusi İşçi Qrupunun məqsədi ÜADA-nın rəhbərliyinə bütün ölkələrin Milli Antidopinq Agentliklərinin, onların qısa və uzunmüddətli proqramlarının effektivliyinə və dünyada təsirli dopinqə nəzarət strategiyası və planlarının təşviq edilməsi üzrə fəaliyyətinə dair ekspert məsləhətlərinin, tövsiyələrin verilməsi və metodiki dəstək göstərilməsidir.

Xüsusi İşçi Qrupunun əsas vəzifələrindən biri 2018-ci ilin noyabr ayında ÜADA-nın Təsisçilər Şurasının Bakıda keçirilən görüşündə qəbul edilmiş geniş idarəetmə islahatları proqramının həyata keçirilməsində ÜADA-ya dəstək göstərməkdir.

Azərbaycan Milli Antidopinq Agentliyinin cəmi iki il əvvəl yaradılmasını nəzərə alsaq, Azərbaycan nümayəndəsinin ÜADA-nın Xüsusi İşçi Qrupunun işinə cəlb edilməsi ölkəmizdə dopinqlə mübarizə sahəsində görülən işlərin və bu yönümdə aparılan siyasətin effektivliyinin tanınması deməkdir.

Mübariz Qalib
Milli.Az