Ölkə

"Bura cəhənnəmi xatırladır, həyatla ölüm arasında mübarizə aparırıq" - FOTO

9 Sentyabr 2017 13:25
5 Şərh     Baxış: 4 958

Bakı Şəhəri Sabunçu rayonu, Bakıxanov qəsəbəsi Abdulla Abdullayev küçəsi 2 ünvanındakı 17 saylı yataqxanada yaşayan sakinlərin adından Milli.Az-a məktub daxil olub. Məktubda deyilir:

"İnanın, hər il payız və qış ayları gələndə ürəyimizdə sıxıntılar, narahatlıqlar başlayır. Yataqxananın dözülməz şəraiti bizi son həddə çatdırıb. 23 ildir ki, doğma yurdumuz olan Cəbrayıl və Zəngilan rayonlarından məcburi olaraq köçkün düşmüşük. Erməni vəhşiliyinin şahidi olmuşuq, hətta bəzi qohumlarımız Vətən uğrunda şəhid olublar. Yataqxanada yaşayan 7 ailə yerli sakinlərdir. Necə deyərlər  ki, onlar da bizim kimi ağır şəraitdə yaşayırlar.

23 ildir ki, Bakı şəhərində dözülməz şəraiti olan yataqxanada yaşıyırıq. Əgər buna yaşamaq demək olarsa... 30 ailə, təxminən 100 nəfərə yaxın olan və insan həyatı üçün təhlükə sayılan yataqxanada dözülməz şəraitə görə həyatla ölüm arasında mübarizə aparırıq".

Yataqxananın cəhənnəmi xatırlatdığını bildirən sakinlərin sözlərinə görə, problemlə bağlı dəfələrlə kollektiv şəkildə rəsmi dövlət orqanlarına müraciət ediblər. El arasında deyildiyi kimi, suda boğulmuş insanlar kimi imdad axtarırlar:  

"Yataqxana 1946-cı ildə tikilmişdir. Hal-hazırda qəzalı vəziyyətdədir. Dəhlizdə, mətbəxdə, divarlarda, döşəmədə çatlar, qırıntılar əmələ gəlmişdir. Yağışlı və qış aylarında yataqxananın içərisinə su dolur.  Çat əmələ gələn divarlarda hər an uçma təhlükəsi vardır, kanalizasiya, su xətləri sıradan çıxmışdır, yataqxananın içərisində  antisanitariya hökm sürür. Gəmiricilər və infeksion xəstəlik daşıyan həşəratlar yataqxanada məskən salmışdır. Burada yaşayan insanlar arasında infeksion xəstəliklər yayılmışdır. Körpə uşaqlarımızı çölə-bayıra buraxmırıq ki, ya uçqun altında qalacaq, ya da ki, xəstəliyinə tutulacaqlar. Təsəvvür edin, 15-16 kv.m sahəsi olan kiçik bir otaqda 5-6 nəfərlik ailə necə yaşasın? Körpə və yaşlı insanların səhhətində ciddi problemlər yaranmışdır. Biz bütün müraciətimizdə aidiyyatı qurumların tibb işçiləri ilə birgə yataqxanaya gəlməyini istəyirik. O zaman faktı öz gözləri ilə görəcəklər. Axı bizim günahımız nədir?
Təəssüf ki, dərdimizə əlac edən, bu qədər dözülməz şəraiti olan yataqxana sakinləri ilə maraqlanan yoxdur. Bakı Şəhər İcra Hakimiyyətinə və Sabunçu Rayonu İcra Hakimiyyətinə, Qaçqın və Məcburi Köçkünlərin İşləri üzrə Dövlət Komitəsinə, Fövqəladə Hallar Nazirliyinə dəfələrlə müraciət etmişik. Bu qurumlardan heç biri dərdimizə əlac etmirlər. Bizə gələn cavab məktublar isə eyni şablon ifadələr olur, hansı ki, bir qurum məktubu digər quruma yönəldir. Heç bir nəticəsi yoxdur. Yataqxana Bakı Şəhər İcra Hakimiyyətinin Mənzil Kommunal Təsərrüfat Departamentinə məxsusdur. Eyni zamanda Sabunçu Raron İcra Hakimiyyətinin yaşayış ərazisinə daxildir. Neçə illərdir ki, ölümlə üz-üzə qalmışıq. Bu səbəbdən yataqxanada tez-tez bədbəxt hadisələr baş verir".

Qeyd edilir ki, 2016-cı ilin iyul ayında yataqxananın mətbəx və dəhlizin tavan hissəsindən uçma hadisəsi baş verib. Həmin vaxt 6 yaşlı uşaq mətbəxin çürümüş taxta döşəməsinin qırılması səbəbindən başından ağır xəsarət alıb. Həmçinin 17 saylı yataqxanada yayılmış infeksiya səbəbindən 4 yaşlı körpə 2013-cü ildə beyninə mikrob düşməsi nəticəsində yataq xəstəsi olmuşdur. Uşaq o vaxtdan yeriyə bilmir. 

Sakinlər müvafiq qurumlardan bütün bunları nəzərə alaraq təcili ölçü götürülməsini, problemin tezliklə həll edilməsini istəyirlər.

Pünhan Mirzə

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

loading...

Şərh yaz:

5 Şərh:

  • Anonim
    əfsanə · 9 Sentyabr 2017 15:2260

    can elə biz də sizin gününüzdəyik .Bİz də nərimanovda yataqxanada qalırıq bu binada qəzall vəziyyətdədi.Heç kim də baxmlr .Gərək bina uçub dağılsın insanlar ölsün sonra bunlara təsir etsin o da etsə.

    Cavab yaz
  • Anonim
    Leyli · 9 Sentyabr 2017 15:2780

    Orda heç kim yaşamaz

    Cavab yaz
  • Anonim
    Leyli · 9 Sentyabr 2017 15:2770

    Orda heç kim yaşamaz

    Cavab yaz
  • Anonim
    teselli · 9 Sentyabr 2017 17:30100

    yazig millet be weraitde yasayiree. sizde harinlamiwlar yeyin icin kef eliyin. verin nevelerinize bir masin vursun dagitsin alemi

    Cavab yaz
  • Anonim
    Azeri · 9 Sentyabr 2017 18:14120

    Bu ne zulmdur bu insanlara edilir. Bunlar tecili kocurulmelidir vessalam

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.