Ölkə

Bağında meyit tapılan eks-deputatın səhhəti pisləşdi

13 İyun 2017 14:25

1 Şərh Baxış: 4 820

VTB-də minimal faiz dərəcəsi ilə nağd kredit 9.9%-dən

#CƏMİYYƏT #KRİMİNAL #SAĞLAMLIQ #SƏHİYYƏ

Bağ evində meyit aşkarlanan Milli Məclisin sabiq deputatı Ərəstun Cavadovun səhhəti qəfil pisləşib.

Milli.Az ölkə.az-a istinadən xəbər verir ki, Ərəstun Cavadov rayonda olarkən, ona məxsus olan Badamdar qəsəbəsi İ.Ağayev küçəsi ev 3, mənzil 73-də yaşayan, 1960-ci il təvəllüdlü Sədi Süleyman oğlu Qəhrəmanovun meyiti aşkar edilib.

Onun cəsədi bağban kimi işlədiyi Səbail rayonu Badamdar qəsəbəsi 2-ci yaşayış massivində yerləşən bağdan tapılıb. İlkin ekspertiza zamanı məlum olub ki, eks-deputatın işçisi olmuş Sədi Qəhrəmanov ürək çatışmamazlığından vəfat edib.

Bağbanın vəfat etdiyi xəbərini alan keçmiş millət vəkili Ərəstun Cavadovun səhhəti qəfil pisləşib. Ona həkimlər tərəfindən tibbi yardım göstərilib.
Səhhəti ilə əlaqədar Ərəstun Cavadov işə də çıxmayıb.

Qeyd edək ki, Ərəstun Cavadov həm də Mərkəzi Univermağın (MUM) sahibidir.

Milli.Az

Digər maraqlı xəbərlər Milli.Az-ın Facebook səhifəsində