Ölkə

Bakı bulvarında keçirilən aksiyadan FOTOlar

1 İyun 2017 12:59

Baxış: 2 284

VTB-də minimal faiz dərəcəsi ilə nağd kredit 9.9%-dən

#FOTOSESSİYA #CƏMİYYƏT

Bu gün iyunun 1-i Uşaqların Beynəlxalq Müdafiəsi Günüdür.

Milli.Az Trend-ə istinadən xəbər verir ki, bu gün münasibətilə ilə Dənizkənarı Milli Parkda attraksionlardan, qatarlardan və gəmi gəzintisindən uşaqların istifadəsi ödənişsizdir.

Dənizkənarı Bulvar İdarəsinin Heydər Əliyev Fondunun dəstəyi ilə həyata keçirdiyi bu aksiyada yaşı 16-ya qədər uşaqlar bu gün saat 10:00-dan 15:00-dək bulvardakı əyləncə vasitələrindən istifadə edəcəklər. Aksiyada 3 uşaq qatarı, 2 avtodrom, 2 karnaval, uşaq pavilyonu, "Qorxulu Ev", "Pirat", "Möcüzələr dünyası", "Qüllə" attraksionları, "Şəfəq" və "Mirvari" gəzinti gəmiləri azyaşlılara ödənişsiz xidmət göstərir.

Aksiyanın yüksək səviyyədə təşkili üçün Dənizkənarı Bulvar İdarəsi gücləndirilmiş iş rejimində çalışır.

Qeyd edək ki,1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Günü kimi qeyd olunması qərara alınıb. Həmin gün təşkil olunan "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər səsləndirilib və elə bu tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib. Bundan sonra iyunun 1-i Uşaqların Beynəlxalq Müdafiəsi Günü kimi tarixə düşüb. Dünyanın əksər ölkələrində olduğu kimi, bu gün Azərbaycanda da qeyd edilir.

Dənizkənarı Milli Parkda keçirilən aksiyadan fotoları təqdim edirik:

Milli.Az

Digər maraqlı xəbərlər Milli.Az-ın Facebook səhifəsində