Ölkə

Metro özünü üstələdi - Nasaz qatarların sayı 3 dəfədən çox azalıb - FOTO

16 Yanvar 2017 17:46

0 Şərh Baxış: 2 537

VTB-də minimal faiz dərəcəsi ilə nağd kredit 10.49%-dən

#METRO #QATAR #NƏQLİYYAT

"Bakı Metropoliteni" QSC yaradıldıqdan sonra lokomotiv təsərrüfatının ən yüksək və müasir standartlar səviyyəsinə qaldırılmasına xüsusi diqqət yetirilir.

Metropolitendən Milli.Az-a verilən məlumata görə, son iki ildə görülən işlər nəticəsində nasazlığa görə xətdən çıxarılan qatarların sayı 3 dəfədən artıq azaldılıb. Belə ki, 2014-cü il ərzində 520 qatar vaxtından əvvəl depoya qaytarılmışdısa, görülən işlər nəticəsində 2015-ci ildə 212, ötən ildə isə cəmi 152 hərəkət tərkibi xətdən çıxarılıb. Həmçinin 2014-cü ildə metropolitenin normal iş rejimi 19 dəfə pozulmuşdusa, 2015-ci ildə 13, keçən ildə 9 belə hala yol verilib.

Ümumiyyətlə, görülən kompleks tədbirlər sayəsində 2014-cü ildə cəmi 35 vaqon 3 saylı (digər adı - qaldırma) təmirə dayandırılmışdırsa, 2015 və 2016-cı illər ərzində depo tarixində rekord sayda - 140 vaqon 3 saylı təmirdən çıxarılaraq xəttə qaytarılıb. Zavod şəraitində aparılan belə təmir qatarların istismar ömrünün uzadılmasına ciddi təsir edir.

İlkin İzzət

Milli.Az

Digər maraqlı xəbərlər Milli.Az-ın Facebook səhifəsində