Ölkə

"Bu proses 3,5 milyon nəfəri əhatə edəcək"

27 Yanvar 2026 11:00

Baxış: 866

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Cari il ərzində səhiyyə sahəsində həyata keçirilməsi nəzərdə tutulan tədbirlərin miqyası kifayət qədər genişdir.

Milli.Az xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev 2025-ci ilin yekunları və hədəflər üzrə keçirilən mətbuat konfransında bildirib.

Onun sözlərinə görə, əhalinin təhkimolunma prosesinə artıq start verilib:

"Bu mərhələ təxminən 3,5 milyon nəfəri əhatə edir. Eyni zamanda, əhalinin faktiki yaşayış yerinə əsaslanan vahid məlumat bazası yaradılır ki, bu da tibbi xidmətlərin daha ünvanlı və səmərəli göstərilməsinə imkan verəcək".

Nəzərə çatdırıb ki, ölkə miqyasında aparılan islahatlar çərçivəsində 78 Ailə Sağlamlıq Mərkəzinin, 871 Həkim Məntəqəsinin və 1168 Tibb Məntəqəsinin fəaliyyəti optimallaşdırılacaq:

"Bundan əlavə, Bakı şəhəri üzrə 106 ambulator poliklinik müəssisənin fəaliyyətində də struktur dəyişiklikləri nəzərdə tutulur".

Mina Mikayılova
Milli.Az