Ölkə

Axtarışda olan türkmənistanlı idmançı Azərbaycanda ələ keçdi

24 Yanvar 2026 00:30
Baxış: 1 151
VTB-də minimal faiz dərəcəsi ilə nağd kredit 9.9%-dən
#MMA

İctimaiyyət arasında "Daltonlar" kimi tanınan cinayət qruplaşmasına qarşı keçirilən əməliyyatlar çərçivəsində təşkilatın tanınmış simalarından daha biri ələ keçirilib.

Milli.Az oxu.az-a istinadən xəbər verir ki, "Dalton İntizar" ləqəbi ilə tanınan MMA döyüşçüsü İntizar Babaniyazov Azərbaycanda saxlanıldıqdan sonra Türkiyəyə aparılıb.

Türkmənistan vətəndaşı olan Babaniyazovun müxtəlif xarici GSM nömrələri vasitəsilə vətəndaşlara zəng edərək pul tələb etdiyi, tələbləri yerinə yetirilmədikdə isə iş yerlərinə silahlı hücumlar təşkil etdiyi iddia olunur.

İstanbula gətirilən Babaniyazovun polis bölməsindəki dindirilməsi zamanı onun 2 hədə-qorxu və 4 silahlı basqın olmaqla, ümumilikdə 6 ayrı cinayət əməlində iştirak etdiyi müəyyən edilib. Şübhəlinin adının Serdar Öktem qətlində də hallandığı iddia edilir.

Polis bölməsindəki prosedurları başa çatan Babaniyazov prokurorluq tərəfindən dindirildikdən sonra hakim qarşısına çıxarılıb. Şübhəli barəsində həbs qətimkan tədbiri seçilib və o, həbsxanaya göndərilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.