Ölkə

Amnistiya siyahısında "Nikosayağı" da var? - Açıqlama

24 Dekabr 2025 15:40
Baxış: 2 165
VTB-də minimal faiz dərəcəsi ilə nağd kredit 9.9%-dən
#SOSİAL ŞƏBƏKƏLƏR

Amnistiya aktı "Nikosayağı" ləqəbi ilə tanınan bloqer Nicat Şakirliyə şamil olunmayıb.

Milli.Az xəbər verir ki, bunu metbuat.az-a açıqlamasında tanınmış hüquqşünas, sabiq millət vəkili, Konstitusiya Araşdırmaları Fondunun rəhbəri Əliməmməd Nuriyev yerli mediada "Nikosayağı"nın cəzadan azad olunduğu barədə yayılan xəbərlərə münasibət bildirərkən deyib.

Qeyd edək ki, Azərbaycan Respublikasının Prezidenti cənab İlham Əliyevin təşəbbüsü ilə 19 dekabr 2025-ci il tarixində "Konstitusiya və Suverenlik İli" münasibətilə amnistiya elan olunması barədə Azərbaycan Respublikası Milli Məclisinin Qərarı qəbul edilib. Amnistiya aktı 20 min şəxsə aid edilib və 4 ay müddətində icra olunacaq.

Xatırladaq ki, N.Şakirli 2023-cü ilin avqustunda idarə etdiyi "Porsche" markalı avtomobillə yük maşınına çırpılıb. Qəza zamanı avtomobildə olan dostu Ruslan Məmmədov həyatını itirib. N.Şakirli isə ağır xəsarətlər alıb və sağ qolu dirsəkdən amputasiya olunub. Bakı Ağır Cinayətlər Məhkəməsinin hökmünə əsasən, ötən il "Nikosayağı" ləqəbi ilə tanınan N.Şakirli 5 il müddətinə azadlıqdan məhrum edilib. Məhkəmə cəzanın məntəqə tipli cəzaçəkmə müəssisəsində çəkilməsini məqsədəuyğun sayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.