Ölkə

Bakının bu rayonlarında kirayə evlər BAHALAŞDI

9 Dekabr 2025 12:57

Baxış: 1 798

VTB-də minimal faiz dərəcəsi ilə nağd kredit 9.9%-dən

#CƏMİYYƏT #KİRAYƏ #MƏNZİL #EV

Paytaxtın bir sıra rayonlarında kirayə mənzil bazarında bahalaşma müşahidə olunur. Xüsusilə Nəsimi, Yasamal və Nərimanov rayonlarının mərkəzi hissələrində qiymətlər artıb.

Milli.Az xəbər verir ki, hazırda həmin ərazilərdə "Xruşovka" layihəli binalarda 1 otaqlı mənzillər 550 manata təklif olunur.

Məsələ ilə bağlı danışan ekspert Elnur Fərzəliyev bildirib ki, Bakıda söküntü işlərinin artması kirayə bazarına birbaşa təsir göstərir. Onun sözlərinə görə, söküntü gedən ərazilərdə qiymət artımı əsasən 10-20 faiz civarındadır.

Ekspert qeyd edib ki, evləri sökülən vətəndaşlara yeni mənzilləri hazır olana qədər edilən ödənişlər onların öz ünvanlarına yaxın ərazilərdə kirayə mənzil götürmək istəyi ilə nəticələnir. Bu isə həmin zonalarda tələbatı artıraraq qiymətlərə təsir edir.

Fərzəliyev əlavə edib ki, Bakıda satış qiymətlərinin yüksəlməsi də kirayə bazarının bahalaşmasına səbəb olacaq və prosesin davam edəcəyi gözlənilir.

Milli.Az