Ölkə

Obyektlərə daxil olub pul yığanlar kimdir? - Rəsmi Açıqlama

10 Noyabr 2025 23:08

Baxış: 3 888

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VERGİ

Abşeron və Sumqayıt ərazisində bir qrup şəxs özlərini Dövlət Vergi Xidmətinin əməkdaşları kimi təqdim edərək sahibkarlardan pul tələb edirlər.

Milli.Az-ın məlumatına görə hadisə Masazırda baş verib. Saxta "vergi əməkdaşları" bir neçə ticarət obyektinə daxil olaraq, guya vergi yoxlaması apardıqlarını bildiriblər. Hətta bəzi hallarda sahibkarları "müqavilə" adı altında saxta sənədlərə imza atmağa məcbur ediblər. Bu anlar isə obyektlərin təhlükəsizlik kameraları tərəfindən qeydə alınıb.

Dövlət Vergi Xidmətindən bildirilib ki, həmin şəxslərin quruma heç bir aidiyyəti yoxdur və onların təqdim etdiyi "xidmətlər" mövcud deyil. Xidmət əlavə edib ki, bu cür hallara təkcə Abşeron və Sumqayıtda deyil, ölkənin digər bölgələrində də rast gəlinir.

Daxili İşlər Nazirliyinin Mətbuat Xidmətindən isə qeyd olunub ki, məsələ ilə bağlı vətəndaşların müraciətləri əsasında araşdırma aparılır. /Xezer Tv

Milli.Az