Sağlamlıq

Qışda mütləq kərə yağı yeyin - Səbəb

22 Noyabr 2025 21:05

Baxış: 1 759

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Payız aylarında yaranan vitamin çatışmazlığının qarşısını almaq üçün bəzi qidaların gündəlik rasionda yer alması vacibdir.

Milli.Az xəbər verir ki, bunu rusiyalı alim Dmitri Kulikov deyib. Onun sözlərinə görə kərə yağı A, E, D və K vitaminlərinin azalması riskini azaldır, çörək isə minerallar və aminturşuların qəbulu üçün faydalı hesab olunur.

"İnsan orqanizmi vitamin və mineralları uzun müddətlik ehtiyat kimi saxlaya bilmir. Buna görə də bu maddələr qida vasitəsilə müntəzəm şəkildə qəbul olunmalıdır.

Soyuq aylarda günəş işığının azalması səbəbindən insanların D vitamini səviyyəsi daha tez düşə bilər. Buna görə süd məhsulları payız və qış aylarında gündəlik qidalanmada vacib rol oynayır. O bildirib ki, D vitaminini zənginləşdirilmiş süddən, hazır süd kokteyllərindən və əlavə vitaminlər qatılmış kərə yağından almaq mümkündür. Onun fikrincə, zərdab zülalları və faydalı maddələrlə zənginləşdirilmiş ayran tipli məhsullar da diqqətə dəyər".

Kulikov eyni zamanda kərə yağının həddindən artıq istifadəsinin orqanizm üçün zərərli ola biləcəyini vurğulayıb. Kərə yağında çox miqdarda doymuş yağ var və bu maddələr normadan artıq qəbul edildikdə zərər verə bilər. Ümumdünya Səhiyyə Təşkilatının məlumatına görə, sağlam bir insan üçün gündə ondan iyirmi qram arasında kərə yağı kifayətdir. Bu miqdar təxminən bir və ya iki çay qaşığına uyğun gəlir.

Alimin fikrincə, bəzi şirniyyat məhsulları da düzgün seçildikdə fayda verə bilər. Çünki bəzi istehsalçılar bu məhsullara B qrupunun yüksək təsirli vitaminlərini əlavə edirlər. Bu məqsədlə daha çox piridoksin, metilfolat və metilkobalamin kimi maddələrdən istifadə olunur.

İsmayıl
Milli.Az

Milli.Az - Xəbər Portalı

Qışda mütləq kərə yağı yeyin - Səbəb

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?