Ölkə

Bu şəxslərin "prava" almaq hüququ məhdudlaşdırıla bilər

28 Sentyabr 2025 12:45

Baxış: 479

VTB-də yüksək depozit faizleri daha çox qazandırır

#SÜRÜCÜ #AVTOMOBİL

Rusiya Federasiyasında sentyabr ayından qüvvəyə minən qanuna əsasən, boyu 150 santimetrdən az olan şəxslərə sürücülük vəsiqəsi verilməyəcək. Bəs, Azərbaycanda sürücülük hüququ almaq üçün boy məhdudiyyəti tətbiq edilməlidirmi?

Mövzu ilə bağlı KONKRET.az-a danışan vəkil Ramil Süleymanov bildirib ki, qanunların qəbulu və ya onlara əlavə və düzəlişlərin olunması müəyyən zərurətdən irəli gəlir:

"Əgər Rusiya tərəfindən qəbul edilmiş qanunun səbəbi sırf boyun balaca olması nəticəsində qəzaların və digər hadisələrin qarşısını almaqdırsa, bu, onların statistik məlumatlarına əsaslana bilər. Amma bu, o demək deyil ki, orada qəbul olunan qanun digər qonşu ölkələrdə də tətbiq edilməlidir".

Vəkilin sözlərinə görə, Azərbaycan qanunvericiliyində sürücülük hüququ almaq üçün boy məhdudiyyəti yoxdur:

"Hətta cırtdan boylu şəxslər də avtomobilin daxili konfiqurasiyası uyğunlaşdırıldığı halda imtahan verib sürücülük vəsiqəsi əldə edə bilirlər. Bu səbəbdən də əlavə dəyişikliklərə ehtiyac yoxdur. Bundan başqa, əgər belə bir məsələ gündəmə gələcəksə, əvvəlcə müvafiq dinləmələr və ictimai müzakirələr aparılmalıdır".

Milli.Az