Ölkə

Azərbaycanda bu iki dərman geri çağırılır

31 İyul 2025 13:14

Baxış: 6 966

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #DƏRMAN

"Zeytun Pharmaceuticals" MMC şirkəti 23 iyul tarixli məktubunda iki dərman vasitəsinin könüllü geri çağırılması üçün Səhiyyə Nazirliyi Analitik Ekspertiza Mərkəzinə müraciət edib.

Bu barədə Analitik Ekspertiza Mərkəzi məlumat yayıb.

1) Vəsiqə sahibi "Denk Pharma GmbH Ko.KG / Almaniya" şirkəti olan "Para-Denk 125 Suppos" ticarət adlı paracetamol - 125 mg/supp tərkibli rektal şamlar №10 (2×5) blisterdə, karton qutu qablaşmada (27339 seriyalı, son istifadə tarixi 31.03.2026, 27839 seriyalı, son istifadə tarixi 01.08.2026, 26906 seriyalı, son istifadə tarixi 31.07.25) olan dərman vasitəsi;

2) Vəsiqə sahibi "Denk Pharma GmbH Ko.KG / Almaniya" şirkəti olan "Para-Denk 250 Suppos" ticarət adlı paracetamol - 250 mg/supp tərkibli rektal şamlar №10 (2×5) blisterdə, karton qutu qablaşmada (27292 seriyalı, son istifadə tarixi 28.02.2026, 27822 seriyalı, son istifadə tarixi 30.06.2026) olan dərman vasitəsi.

Geri çağırılmaya səbəb kimi qablaşdırma zədələnmələri (sızmalar) göstərilib. Qeyd edilən dərman vasitələrinin geri çağırılma dərəcəsinin 3 (dərman vasitəsinin şəxsin həyat və sağlamlığına birbaşa təhlükə yaratmadığı hallar), dərman vasitəsinin geri çağırılma səviyyəsinin isə "C" (topdansatış müəssisəsinə qədər) səviyyəsində müəyyən olunduğu bildirilmişdir.

Yoxlama zamanı hər iki dərman vasitəsində göstərilən qüsurların mövcudluğu təsdiqlənib.

Azərbaycan Respublikası Nazirlər Kabinetinin 2019-cu il 27 noyabr tarixli 460 nömrəli Qərarı ilə təsdiq edilmiş "Dərman vasitələrinin geri çağırılması Qaydası"na uyğun olaraq, adıçəkilən dərman vasitələrinin geri çağırılması barədə qərar qəbul edilib.

Milli.Az

Milli.Az - Xəbər Portalı

Azərbaycanda bu iki dərman geri çağırılır

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?