Ölkə

Qurbanlıq üçün hansı heyvanlar kəsilməlidir? – AÇIQLAMA

3 İyun 2025 12:44
Baxış: 1 499
VTB-də minimal faiz dərəcəsi ilə nağd kredit 9.9%-dən
#CƏMİYYƏT #QURBAN BAYRAMI

Qurban minimum xırdabuynuzlu heyvanlardan - qoç, qoyun, keçidən kəsilir.

Milli.Az xəbər verir ki, bunu Trend-ə açıqlamasında Qafqaz Müsəlmanları İdarəsinin sədr müavini Hacı Fuad Nurullayev deyib.

Sədr müavini bildirib ki, xırdabuynuzlu heyvana bir neçə insanın şərik olması məsləhət görülmür:

"İstisna ola bilər ki, iki nəfər şərik olub bir xırdabuynuzlu heyvanı kəsə bilər. Hərə öz adından bir xırdabuynuzlu heyvanı kəssə, daha gözəl olar. Lakin iribuynuzlu heyvana bir neçə insan şərik ola bilər. 5, 7, 10, 15 nəfər mümkündür, burada heyvanın çəkisi rol oynayır. Xırdabuynuzlu, iribuynuzlu heyvanlar və bir də dəvədən qurban kəsilə bilər".

F.Nurullayev vurğulayıb ki, qurban kəsimində heyvanın yaş faktoruna da çox önəm verilməlidir:

"Xırdabuynuzlu heyvanların yaşı 8 ay və ondan yuxarı olmalıdır. İribuynuzlu heyvanın yaşı 1 və ondan yuxarı olsa, daha yaxşı olar. Qurbanlıq dəvənin isə 5 yaşı olmalıdır".

Qurum rəsmisi əlavə edib ki, kəsilən heyvan 3 hissəyə ayrılmalıdır:

"Bir hissəsini kəsən insan öz ailəsi üçün istifadə edə, ikinci hissəsini yaxın qohum-əqrabasına, üçüncü hissəni isə kənar insanlara paylaya bilər. Əgər heyvanı kəsən insanın o ətə ehtiyacı yoxdursa, onun hamısını imkansızlara paylaya bilər. Heyvanın əti bölünərkən bədən əzalarından hər birindən paylara əlavə edilməlidir".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.