Ölkə

Nazir Məmməd Musayevi işdən çıxardı - FOTO

15 Aprel 2025 15:33

Baxış: 2 004

VTB-də minimal faiz dərəcəsi ilə nağd kredit 10.49%-dən

#CƏMİYYƏT #TƏYİNAT

Maliyyə naziri Sahil Babayevin sədrliyi ilə "Aqrarkredit" (QSC) Səhmdarının növbədənkənar ümumi yığıncağı keçirilib.

Maliyyə Nazirliyindən Milli.Az-a verilən məlumata görə, yığıncaqda QSC-nin İdarə Heyətinin üzvlərinin səlahiyyət müddətlərinin başa çatması ilə əlaqədar olaraq yeni tərkibin formalaşdırılması məsələsi müzakirə olunub.

S.Babayev səlahiyyət müddətləri başa çatan İdarə heyətinin üzvlərinə, o cümlədən sədr Məmməd Musayevə öz təşəkkürünü bildirib.

Yığıncaqda QSC-nin İdarə Heyətinin yeni tərkibi təsdiq edilib. Yığıncağın qərarına əsasən İlham Kələşov, Rəcəb Hüseynov və Cahid Quluzadə İdarə Heyətinə yeni üzvlər seçiliblər. Eyni zamanda, İ.Kələşov İdarə Heyəti sədrinin birinci müavini və sədrin səlahiyyətlərinin müvəqqəti icraçısı, R.Hüseynov isə sədr müavini təyin olunub.

Qeyd edək ki, "Aqrarkredit" QSC-nin Nizamnaməsinə əsasən, İdarə Heyətinin üzvləri Səhmdarın ümumi yığıncağı tərəfindən 4 ildən çox olmayan müddətə seçilirlər.

Milli.Az