Ölkə

Turpaketləri daha ucuz qiymətə necə əldə etmək olar? - VİDEO

24 Mart 2025 07:07

Baxış: 1 143

VTB-də minimal faiz dərəcəsi ilə nağd kredit 9.9%-dən

#VİDEO #SƏYAHƏT

Yay aylarında turist kimi xarici ölkələrə gedənlər turpaketləri indidən rezervasiya etsələr yaxşıdır. Çünki erkən rezrvasiya zamanı turpaketləri indi daha ucuz qiymətə əldə etmək mümkündür.

Milli.Az Xəzər TV-yə istinadən bildirir ki, turizm üzrə ekspert Rəhman Quliyev deyir ki, yanvar-fevral aylarında erkən rezervasiya yay ilə müqayisədə 40%-ə qədər, mart, aprel və sonrakı aylarda isə 25%-ə qədər ucuz başa gəlir. Ekspert bildirir ki, yay aylarında əsas tələb Türkiyə, Gürcüstan və Avropa istiqamətlərinə olur. Turistlər erkən rezervasiya endirimlərindən iyun ayına qədər yararlana bilərlər.

Ekspert tövsiyə edir ki, əgər turistlər daha ucuz turpaketlər əldə etmək istəyirlərsə, yerli aviadaşıyıcı "azal"ın reysləri olan şəhərlərə üstünlük versinlər. Çünkü bu istiqamətlərdə əlavə transfer xərcləri olmur və buna görə də, qiymətlər münasib olur.

Məsələn, yay aylarında turistlərin ən çox üz tutduğu ölkələrdən biri Yunanınstan olsa da, həmin istiqmaətdə AZAL təyyarəsi uçmadığı üçün turpaketlərin qiymətləri daim yüksək olur. Bir nəfər üçün istirahət 2000 manatdan bahadır.

Paris, Vyana və Berlin istiqamətində isə 1 nəfər üçün gediş-dönüş bilet, qarşılama-yola salma və səhər yeməyi daxil turların qiyməti 1200-1300 manatdan başlayır. Rəhman Quliyev deyir ki, Asiya istiqmaətində, məsələn Tailanda turların qiyməti 1 nəfər üçün 900-1100, Sinqapur və Malaziyada 5 ulduz otellərdə isə qiymətlər 850-1100 manat arasında dəyişir.

Daha ətraflı videomaterialı təqdim edirik.

Milli.Az