Ölkə

Çətin həyat şəraitində olan şəxsin vəzifələri artırılır

18 Mart 2025 13:06

Baxış: 379

VTB-də minimal faiz dərəcəsi ilə nağd kredit 10.49%-dən

#MİLLİ MƏCLİS

Çətin həyat şəraitində olan şəxsin (ailənin) vəzifələri artırılır.

Trend xəbər verir ki, bu məsələ Milli Məclisin bu gün keçirilən plenar iclasında müzakirə olunan "Sosial xidmət haqqında" Qanuna təklif edilən dəyişiklikdə əksini tapıb.

Qanun layihəsinə əsasən, sosial işçilərin və sosial xidmətçilərin şərəf və ləyaqətinə hörmətlə yanaşmaq çətin həyat şəraitində olan şəxsin (ailənin) vəzifəsi hesab ediləcək.

Qeyd edək ki, qüvvədə olan qanunvericilikdə sosial işçinin vəzifələrində çətin həyat şəraitində olan şəxslərin şərəf və ləyaqətinə hörmətlə yanaşmaq tələbi qeyd olunsa da, eyni tələb sosial xidmətə götürülən şəxslərin vəzifələrində nəzərdə tutulmayıb. Dəyişiklik qarşılıqlı məsuliyyəti müəyyən etmək xarakteri daşıyır.

Qanun layihəsi səsə qoyularaq birinci oxunuşda qəbul olunub.

Milli.Az