Ölkə

Bakı-Sumqayıt qatarlarında gecikmənin səbəbi BİLİNDİ

7 Mart 2025 19:52

Baxış: 420

VTB-də minimal faiz dərəcəsi ilə nağd kredit 10.49%-dən

#QATAR #SƏRNİŞİN

Abşeron dairəvi dəmir yolu üzrə hərəkət edən qatar texniki nasazlıq səbəbindən Goradil stansiyasında dayandığı üçün digər sərnişin sürət qatarlarında gecikmələr baş verib.

Bu barədə Milli.Az-a "Azərbaycan Dəmir Yolları"ndan (ADY) məlumat verilib.

Qeyd edilib ki, bu səbəbdən saat 18:00-19:00 radələrində Bakı-Xırdalan-Sumqayıt və Bakı-Pirşağı-Sumqayıt marşrutları üzrə hərəkət edən qatarlarda gecikmə müşahidə olunub.

"Bakı-Pirşağı-Sumqayıt istiqamətində hərəkət edən qatarların birində texniki nasazlıq yaranıb. Qatar Goradil sahəsində yarım saata qədər dayanıb. Bu, pik saatlar olduğu üçün Abşeron dairəvi marşrutu üzrə digər qatarların hərəkətinə də bir qədər təsir göstərib. Problemin aradan qaldırılması üçün müvafiq tədbirlər görülür. İctimaiyyətə əlavə məlumat veriləcək", - ADY-dən vurğulanıb.

Qeyd edək ki, gecikmələrlə əlaqədar stansiyalarda insan sıxlığı var.

Milli.Az