Ölkə

Fərid Əhmədov Fikrət Məmmədovun qərarını ləğv etdi

4 Mart 2025 14:03

Baxış: 3 602

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Azərbaycan Respublikasının məhkəmələrində kargüzarlığın aparılmasına dair Təlimat ləğv edilib.

Milli.Az iqtisadiyyat.az-a istinadən xəbər verir ki, bununla bağlı ədliyyə naziri, III dərəcəli dövlət ədliyyə müşaviri Fərid Əhmədov qərar imzalayıb.

Qərara əsasən, Ədliyyə Nazirliyi Kollegiyasının qərarı ilə təsdiq edilmiş "Azərbaycan Respublikasının məhkəmələrində kargüzarlığın aparılmasına dair Təlimat" ləğv edilib.

Qeyd olunub ki, bu qərar Məhkəmə-Hüquq Şurası tərəfindən eyni münasibətləri tənzimləyən normativ xarakterli akt qəbul edildikdən sonra qüvvəyə minir.

Qərar aidiyyəti ədliyyə orqanlarına və məhkəmələrə göndərilib.

Xatırladaq ki, sözügedən təlimat 2011-ci ilin noyabrın 29-da ozamankı ədliyyə naziri Fikrət Məmmədovun qərarı ilə təsdiq edilmişdi.

Milli.Az