Ölkə

Həlak olan əsgər yüksək balla akademiyada oxuyub - FOTO

24 Yanvar 2025 10:35

Baxış: 1 328

#CƏMİYYƏT #ƏSGƏR

Ötən gün Azərbaycan ordusunun hərbi qulluqçusu Camal Hüseynovun həlak olması barədə məlumat yayılıb. Rəsmi açıqlamaya görə, əsgər odlu silahdan açılmış atəş nəticəsində həyatını itirib.

Milli.Az xəbər verir ki, modern.az hərbi qulluqçu ilə bağlı bir sıra məlumatlar əldə edib.

2001-ci il təvəllüdlü Camal Hüseynov Bakı şəhəri Səbayıl rayonunda yerləşən 50 saylı orta məktəbdə təhsil alıb və 2018-ci ildə məzun olub.

Camal Hüseynov qəbul imtahanında yüksək bal toplayıb. O, 573 balla Azərbaycan Respublikası Prezidenti yanında Dövlət İdarəçilik Akademiyasının "Dövlət və bələdiyyə idarəetməsi" ixtisasına qəbul olunub. Daha sonra Azərbaycan Dövlət İqtisad Universitetində magistr təhsili alıb. Təhsil aldığı illərdə "Bravo" marketlər şəbəkəsində çalışıb.
Ətraflı

Həlak olan hərbi qulluqçunun atası da bir müddət əvvəl vəfat edib, onun bir bacısı olub.

Hadisə ilə Kəlbəcər Hərbi Prokurorluğunda Cinayət Məcəlləsinin müvafiq maddəsi ilə cinayət işi başlanılaraq şahidlər dindirilib, müxtəlif ekspertizalar təyin edilərək, icraya yönəldilib və digər istintaq hərəkətləri həyata keçirilib.

Milli.Az