Ölkə

Azərbaycanda sürüşmə sahələrində aktivlik - VİDEO

9 Yanvar 2025 00:37

Baxış: 1 197

VTB-də minimal faiz dərəcəsi ilə nağd kredit 9.9%-dən

#VİDEO #SÜRÜŞMƏ

Ölkə ərazisində sürüşmə sahələrində aktivlik müşahidə olunur.

Milli.Az Xəzər TV-yə istinadən bildirir ki, bunu Geoloji Kəşfiyyat Agentliyinin idarə heyətinin sədri Əli Əliyev deyib. Onun sözlərinə görə, mövsümi xarakterli intensiv atmosfer çöküntülərinin düşməsi ilə əlaqədar bəzi sürüşmə sahələrində aktivlik var.

Hazırda isə paytaxtın Səbail rayonu Badamdar qəsəbəsi ərazisindəki sürüşmə sahələrində nisbi sakitlikdir.

Agentlik sədri onu da qeyd edib ki, Lerik rayonu Hamarat, Pirzəküçə və Vənədi kəndlərində sürüşmə sahələri qeydə alınıb.

"Son zamanlar daha ciddi monitorinqlər apardığımız Quba rayonu ərazisində Küpçalqışlaq kəndi Qudyalçayın sol sahilində böyük sürüşmə kütləsi qeydə alınıb. Sol sahildən çay dərəsi istiqamətində irəliləyən sürüşmə, yolu yararsız vəziyyətə salıb və sürüşmənin tikililərə doğru irəliləmək ehtimalı var. Proses hazırda aktiv vəziyyətdədir və mütəxəssislərimizin nəzarətindədir", -deyə Əli Əliyev vurğuıayıb.

Daha ətraflı videomaterialı təqdim edirik.

Milli.Az