Ölkə

Ötən ilin dekabr ayında 246 kq-dan çox narkotik vasitə qanunsuz dövriyyədən çıxarılıb - DSX

6 Yanvar 2025 14:14

Baxış: 318

#NARKOTİK

2024-cü ilin dekabr ayı ərzində narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində 246 kiloqram 496 qram narkоtik vasitə və narkotik tərkibli güclü təsiredici vasitə hesab edilən 833 ədəd həb aşkar olunaraq qanunsuz dövriyyədən çıxarılıb.

Milli.Az xəbər verir ki, bu barədə Dövlət Sərhəd Xidmətinin2024-cü ilin dekabr ayı üzrə yaydığı icmalda qeyd edilib.

Bildirilib ki, qaçaqmalçılıq fəaliyyətinə qarşı həyata keçirilən mübarizə tədbirləri nəticəsində ümumi dəyəri 2 milyon 200 min 92 manat оlan qaçaqmal, о cümlədən dərman vasitələri, spirtli içkilər, tütün məmulatları, Canik 55 markalı tapançaya məxsus patronlar aşkar olunaraq götürülüb.

Milli.Az