Ölkə

Azərbaycan Könüllülərinin VII Həmrəylik Forumu keçirilir

5 Dekabr 2024 14:11

Baxış: 716

VTB-də minimal faiz dərəcəsi ilə nağd kredit 9.9%-dən

Dekabrın 5-də Bakı Konqres Mərkəzində "Yaşıl dünya naminə həmrəylik ili"nə həsr olunan və ölkəmizdə fəaliyyət göstərən üç mindən çox Azərbaycan könüllüsünü bir araya toplayan Azərbaycan Könüllülərinin VII Həmrəylik Forumu keçirilir.

Milli.Az xəbər verir ki, Forum Azərbaycan Respublikasının Gənclər Fondunun dəstəyi, Azərbaycan Könüllü Təşkilatları İttifaqının təşkilatçılığı, Ekologiya və Təbii Sərvətlər Nazirliyi, Gənclər və İdman Nazirliyi, "ASAN xidmət" və "IDEA" İctimai Birliyinin tərəfdaşlığı ilə dekabrın 5-dən 16-dək "Azərbaycan Könüllülük Həftəsi 2024" çərçivəsində təşkil olunur.

Forum çərçivəsində könüllülərin məşğulluğunun artırılması, karyera imkanlarının yaxşılaşdırılması məqsədilə Dövlət Məşğulluq Agentliyinin dəstəyi ilə karyera sərgisi, könüllülər tərəfindən müxtəlif tullantılardan (plastik, sellofan torbalar və s.) istifadə edilməklə hazırlanan "Tullantıdan sənətə" adlı müxtəlif sənət əsərlərinin sərgisi həyata keçirilib.

Forumun rəsmi açılış mərasimində Dövlət Himni səsləndirilib, Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib.

Daha sonra Azərbaycan Respublikasının gənclər və idman naziri Fərid Qayıbov Prezident İlham Əliyevin Forum iştirakçılarına müraciətini oxuyub.

Milli.Az