Ölkə

Bakıda İqlim Tərəfdaşlığı üzrə Anlaşma Memorandumu imzalandı

10 Oktyabr 2024 15:07

Baxış: 261

Pre-COP çərçivəsində "Bakıdan Belemə (B2B) İqlim Tərəfdaşlığı" (Memorandum of Understanding on the "Baku to Belem (B2B) Climate Partnership") üzrə Anlaşma Memorandumu imzalanıb.

Milli.Az Trend-ə istinadən bildirir ki, bununla bağlı saziş Azərbaycan və Braziliya arasında imzalanıb.

Sazişə Azərbaycan tərəfindən COP29-un baş danışıqçısı Yalçın Rəfiyev və Braziliya tərəfdən Braziliya xarici işlər nazirliyinin iqlim, enerji, ətraf mühit üzrə xüsusi nümayəndəsi Andrea Korera do Laqo imza atıblar.

B2B Təşəbbüsü Azərbaycanda keçiriləcək COP29 və Braziliyada keçiriləcək COP30 arasında qlobal iqlim fəaliyyətini inkişaf etdirmək, dayanıqlı inkişafı təşviq etmək və COP29-dan COP30-a əməkdaşlığı gücləndirmək üçün vacib əməkdaşlıq qurub.

Milli.Az
Xəbərlərimizi WhatsApp kanalımızdan da oxuyun