Ölkə

Yeni sığorta qiyməti fermerlərin xeyrinədir? - VİDEO

20 İyun 2024 19:53

Baxış: 1 248

VTB-də minimal faiz dərəcəsi ilə nağd kredit 9.9%-dən

#VİDEO #FERMER #HEYVANLAR

Kənd təsərrüfatı heyvanlarının sığorta tarifi dəyişdirilib.

Milli.Az Xəzər TV-yə istinadən bildirir ki, qiymətlər Aqrar Sığorta Fondu tərəfindən endirilib.

Belə ki, heyvanın aid olduğu sığorta növünə görə illik qiymətlər minimum bir, maksimum 22 manat azaldılıb. Sığorta iri buynuzlu mal-qara ilə yanaşı, xırdabuynuzlu heyvanları - qoyun və keçi təsərrüfatlarını da əhatə edir.

Aqrar Sığorta Fondunun nümayəndəsi Əli Əhmədovun sözlərinə görə, sığorta heyvanları çoxsaylı risklərdən - yoluxucu xəstəliklər, təbii fəlakətlər, zəhərlənmə, ilan və həşərat sancması, vəhşi heyvanların hücumundan, üçüncü şəxslərin zərərverici hərəkətlərindən qoruyur. Bundan başqa, baytar tərəfindən qulluq zamanı heyvanların kimyəvi maddələrdən zəhərlənməsi, avtomobillə daşınma zamanı qəza, avtomobillə vurulma, elektrik cərəyanı vurması, hətta oğurluq və quldurluq halları zamanı dəyən zərər də aqrar sığorta tərəfindən qarşılanır.

Qurumun nümayəndəsi onu da bildirib ki, 2022-ci ildə 710 min manat, 2023-cü ildə 910 min manat, bu ilin ilk beş ayında isə fermerlərə 550 min manata yaxın ödəniş edilib.

Ətraflı süjetdə:

Milli.Az

Xəbərlərimizi WhatsApp kanalımızdan da oxuyun