Ölkə

Azərbaycanın bu rayonları işıqsız qaldı

7 İyun 2024 23:20

Baxış: 2 133

VTB-də minimal faiz dərəcəsi ilə nağd kredit 9.9%-dən

Qeyri-sabit hava şəraiti Zaqatala və Qax rayonlarını işıqsız qoyub.

Milli.Az axar.az-a istinadən xəbər verir ki, hadisəyə axşam saatlarından başlayaraq davam edən yağışlı və küləkli hava səbəb olub.

Güclü külək nəticəsində iri gövdəli ağaclar Zaqatala rayonu ərazisində 110 kilovoltluq birinci və ikinci xətlərin üzərinə aşıb. Nəticədə Zaqatala və Qax rayonlarında tam olaraq elektrik enerjisinin verilişi dayandırılıb.

"Azərişıq" ASC-nin Şimal-Qərb Regional İdarəsindən Report-a bildirilib ki, regionda yerləşən şəbəkələrin əməkdaşları hadisə baş verən əraziyə yollanıblar. Elektrik enerjisinin bərpası istiqamətində təxirəsalınmaz işlər görülür.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ