Ölkə

"Ermənistan tarixdən dərs çıxarmalıdır"

13 May 2024 15:32
Baxış: 379
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan hər zaman sülh və sabitliyin bərqərar edilməsi üçün çağırışlar edir.

Milli.Az xəbər verir ki, bu barədə Trend-in suallarını cavablayarkən Türkiyənin Azərbaycandakı keçmiş hərbi attaşesi, ehtiyatda olan general Yücel Karauz deyib.

Onun sözlərinə görə, başda Fransa, Yunanıstan, Hindistan olmaqla, bir sıra ölkələr Ermənistanı silahlandırır.

"Sözügedən ölkələr Cənubi Qafqazda sülh olmaması üçün əllərindən gələni edirlər. Zəngəzur dəhlizinin reallaşmaması ilə yanaşı, Azərbaycanın ərazi bütövlüyünə qarşı revanşist duyğularla Ermənistanı hazırlaşdırırlar. Eyni zamanda, Ermənistan cəmiyyətindəki müxalifəti, əli qanlı Xocalı qatillərini küçərələrə tökərək, sülh istəmədiklərini söylədirlər. Ermənistan heç bir vaxt yalnız olmayıb, öz iradəsi ilə hərəkət etməyib.

Hazırda Ermənistanın Azərbaycanla sülh sazişi imzalamaqdan başqa çarəsi yoxdur. Amma Fransa, Yunanıstan, Hindistan və bəzi Qərb ölkələri, dairələri öz mənfəətləri üçün Ermənistanın sülh müqaviləsini imzalamasını gecikdirirlər.

Hər kəs ağlını başına yığmalıdır və Azərbaycan-Ermənistan arasında sülh razılaşmasına mane olmamalı, töhfə verməlidir. Ermənistan tarixdən dərs çıxarmalı və Qərbin, onu silahlandıranların oyununun parçası olmamalıdır. Əgər tarixdən nəticə çıxarmasa, bunun msəuliyyəti Azərbaycanın üzərində deyil", - deyə Y.Karauz bildirib.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.