Ölkə

Azərbaycan Ordusunda hərbiləşdirilmiş kross birinciliyi keçirilib - FOTO

28 Aprel 2024 09:42

Baxış: 326

#AZƏRBAYCAN RESPUBLİKASI MÜDAFİƏ NAZİRLİYİ #AZƏRBAYCAN ORDUSU

Müdafiə nazirinin təsdiq etdiyi 2024-cü ilin hazırlıq planına uyğun olaraq, hərbi qulluqçular arasında hərbiləşdirilmiş kross birinciliyi keçirilib.

Bu barədə Milli.Az-a Müdafiə Nazirliyindən bildirilib.

Müxtəlif qoşun növlərini təmsil edən 9 komanda üzrə 27 hərbi qulluqçu fərdi və komanda birinciliyi uğrunda mübarizə aparıblar. Hərbi qulluqçular atış, qumbaraatma və 3 kilometr məsafəyə kross qaçışı üzrə yarışlarda güclərini sınayıblar.

Fərdi hesabda 1-ci yerə müddətli əsgər Mirsadiq Məmmədov, 2-ci yerə gizir Tural Məmmədov, 3-cü yerə isə müddətdən artıq həqiqi hərbi xidmət hərbi qulluqçusu əsgər Əziz Hüseynov layiq görülüb.

Yarışın yekununda qalib komandalar və fərdi hesabda fərqlənənlər diplom, kubok və medallarla mükafatlandırılıblar.

Milli.Az
Xəbərlərimizi WhatsApp kanalımızdan da oxuyun