Ölkə

Sabah bu rayonlarda qaz olmayacaq

24 Aprel 2024 18:06
Baxış: 11 283
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sabah Ucar və Zərdab rayonlarının, Beyləqan və Göyçay rayonlarının bir hissəsinin qaz təchizatında müvəqqəti fasilə yaranacaq.

Bu barədə Milli.Az-a Dövlət Neft Şirkətinin (SOCAR) "Azəriqaz" İstehsalat Birliyindən bildirilib.

Məlumata görə, buna səbəb Göyçay rayonunun bir hissəsini təbii qazla təmin edən orta təzyiqli qaz xətlərində "Təmiz Qaz" QSC tərəfindən aşkar olunmuş qaz sızmalarının ləğvi, sayğacların yeni çəkilmiş qaz xətlərinin üzərinə köçürülərək köhnə xətlərin ləğv edilməsi, "Beyləqan" ölçü qovşağından qidalanan orta təzyiqli qaz xətti üzərində filtrin quraşdırılması və "Qaz İxrac" İdarəsinə məxsus "Göyçay-Ucar" magistral qaz kəmərində nasaz siyirtmələrin dəyişdirilməsidir.

Bununla əlaqədar sabah saat 09:00-dan işlər başa çatanadək "Ucar", "Lək", "Zərdab", "Ucar Pambıq emalı zavodu", "Zərdab asfalt beton zavodu", "Göyçay-1 Əhali" ölçü qovşaqlarından ,"Göyçay 2" ölçü qovşağından qidalanan orta təzyiqli "Əhali" qaz xəttindən, saat 10:00-da isə "Beyləqan" ölçü qovşağından qaz təchizatının dayandırılması planlaşdırılır.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.