Ölkə

O, "qayıtmaq" istəyir: amma niyə və nə üçün?

2 Aprel 2024 13:07

Baxış: 1 474

#CƏMİYYƏT

Müsavat Partiyası qurultayla bağlı hazırlıqlarını başa çatdırıb.

Qaynarinfo-nun məlumatına görə partiya nəzərdə tutulan qurultayını may ayının 4-ə təyin edib.

Bununla bağlı Musavat Məclisi martın 30-da qərargahda iclas keçirib. İclasda çıxış edən Məclis sədri Nüşabə Sadıqlı Musavat Partiyasının sabiq rəhbəri İsa Qəmbərin yenidən başqanlığa namizəd olması təklifi ilə çıxış edib.

Çıxış edən divan üzvləri Məclis sədrinin təklifini dəstəklədiyini vurğulayıblar. Bundan əlavə, qurultayla bağlı partiyanın rayon təşkilatlarında keçirilən ümumi yığıncaqlarında da İsa Qəmbərin yenidən namizədliyini irəli sürməsi ilə bağlı çox saylı üzvlərdən müraciətlər daxil olduğu diqqətə çatdırılıb.

İsa Qəmbər isə bu etimada görə partiya üzvlərinə təşəkkür edib və təklifləri nəzərdən keçirəcəyini, düşünəcəyini və yaxın günlərdə qərarını açıqlayacağını bildirib.

Milli.Az xəbər verir ki, Müsavatın indki baş meneceri, Divan sahibi Arif Hacılının fəaliyyəti göz qabağındadır. O, partiyanı zəiflətmək üçün sanki nə gərəkdirdisə, etdi.

Amma İsa Qəmbərin "come back"i əsl tragifars ola bilər.

Müsavatın "İsavat"lıqdan qurtulması üçün yeni nəfəs, yeni lider gərəkdir.

Əks təqdirdə partiya eynən Türkiyədə CHP-nin Kamal Kılıcdaroğlu ilə bağlı yaşadığı başağrılarının daha komik izharını nümayiş etdirəcək.

Müsavat güclənmək, müxalifətin real lideri olmaq istəyirsə, siyasi atavizm meyllərindən qurtulmalı, kunstkamera sevgisinə son qoymalı, siyasətin arxiv personajlarının zühurundan ibarət olmadığını anlamalıdır.

Milli.Az
Xəbərlərimizi WhatsApp kanalımızdan da oxuyun