Ölkə

“Ruslan yenə də gedib öz hərbi xidmətini keçəcək”

5 Mart 2024 16:23

Baxış: 1 424

#HƏRBİ QULLUQÇU #AZƏRBAYCAN ORDUSU

"Ruslan yenə də gedib öz hərbi xidmətini keçəcək, bu vətənə öz borcunu qaytaracaq".

Milli.Az bildirir ki, bu sözləri "Qafqazinfo"ya açıqlamasında Laçında əlverişsiz hava şəraitində azaraq Ermənistan tərəfə keçən və bu gün Bakıya qaytarılan Ruslan Pənahovun atası Eldəniz Pənahov bildirib.

"Mən ilk öncə ölkə başçısına dərin təşəkkürümü bildirirəm. Mənim övladım əsir düşmüşdü. Şükürlər olsun, öz torpağına, öz vətəninə sağ-salamat qayıtdı. Oğlumun əsirlikdən xilas olmasında zəhmət çəkən hər kəsə dərin minnətdaram" - E.Pənahov əlavə edib.

Xatırladaq ki, fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azmışdı.

Milli.Az
Xəbərlərimizi WhatsApp kanalımızdan da oxuyun