Ölkə

Aktotı Raimkulova Qazaxıstanın mədəniyyət və informasiya naziri ilə görüşüb - FOTO

26 Fevral 2024 20:56
Baxış: 453
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türk Mədəniyyəti və İrsi Fondunun prezidenti Aktotı Raimkulova Qazaxıstan Respublikasına rəsmi səfəri çərçivəsində Qazaxıstanın mədəniyyət və informasiya naziri Aida Balayeva ilə görüşüb.

Milli.Az-ın TurkicWorld-a istinadən məlumatına görə,  Görüşdə Fond ilə təşkilatın qurucu üzv ölkəsi Qazaxıstan Respublikası arasında qarşılıqlı əməkdaşlıq münasibətlərindən söz açılıb. Tərəflər Fondun Qazaxıstanın zəngin mədəni irsinin qorunması, tanıdılması yönündə cari və növbəti il üzrə fəaliyyətinin istiqamətlərinə dair müzakirələr ediblər.

Eyni zamanda görüşdə "Türk Vizyonu 2040" strateji programı çərçivəsində Fondun üzərinə qoyulan "Türk Dünyasının mədəni irsinin qorunması haqqında" Konvensiyanın icrası ilə bağlı məsələlər ətrafında fikir mübadiləsi aparılıb. Fondun Şurasının yaradılmasından, eləcə də təşkilata üzv ölkələrin mədəniyyət nazirlərinin iştirakları ilə keçiriləcək Şura iclası üçün görülən hazırlıq işlərindən bəhs olunub.

Qazaxıstan Respublikasının mədəniyyət və informasiya naziri Aida Balayeva Fond tərəfindən hazırlanan Konvensiyanın Türk Dünyası üçün əhəmiyyətini qeyd edərək, bu sahədə tərəfdaşlığa tam dəstək ifadə edib. O, həmçinin Fondun Şurasının yaradılması istiqamətində təşkilatın səylərini yüksək qiymətləndirərək, Şuranın mart ayında keçiriləcək iclasında iştirakını təsdiqləyib.

Görüş Fond ilə Qazaxıstan arasında iş birliyi əlaqələrinin gələcək perspektivlərinə və qarşılıqlı maraq doğuran məsələlərə dair müzakirələrlə davam edib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.