Ölkə

Bu kənd bələdiyyələri birləşdiriləcək

23 Fevral 2024 15:25
Baxış: 745
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Milli Məclisə Prezident İlham Əliyevin təqdimatında bələdiyyələrlə bağlı iki qanun layihəsi daxil olub".

Milli.Az qafqazinfo-ya istinadən xəbər verir ki, bunu Milli Məclisin bu gün keçirilən iclasında "Bələdiyyələrin fəaliyyətinə inzibati nəzarəti həyata keçirən orqanın 2023-cü ildə fəaliyyəti haqqında məruzəsi"nin müzakirəsi zamanı deputat Siyavuş Novruzov deyib.

Millət vəkili bildirib ki, bələdiyyələrin problemlərinin həlli ilə bağlı parlamentə iki qanun layihəsi daxil olub və artıq komitəyə təqdim olunub: "Layihələrdə bələdiyyələrin sayının azaldılması, birləşməsi ilə bağlı məsələ də yer alıb".

S.Novruzov əlavə edib  ki, layihələrdən biri "Bələdiyyələrin birləşməsi, fəaliyyəti, ayrılması və ləğv edilməsi haqqında", həm də "Bələdiyyələrin statusu haqqında"dır: "Belə ki, əhali sayı 3 mindən az olan kəndlərin bələdiyyəsi birləşdiriləcək və böyük bələdiyyələr yaradılacaq. Bu da bələdiyyələrin sosial-iqtisadi vəziyyətini yaxşılaşdıracaq".

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.