Ölkə

Prezident seçkilərini tezləşdirən amillər - Tarixi qərarın sirri

8 Dekabr 2023 00:30
Baxış: 2 871
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xəbər verdiyimiz kimi, gələn ilin fevral ayında növbədənkənar prezident seçkiləri keçiriləcək. Ölkə başçısının bugün imzaladığı sərəncamla seçkilərin Mərkəzi Seçki Komissiyasına Seçki Məcəlləsində müəyyən edilmiş qaydada keçirilməsini təmin etmək tapşırılıb.

Qəfil qərar bir çox şəxslərdə müəyyən suallar doğurdu. Çoxlarını bu tarixi qərarın səbəbi maraqlandırır. Bəs siyasi ekspertlər bu barədə nə düşünür?

Siyasi şərhçi Asif Nərimanlının fikrincə bu qərarın iki mümkün səbəbi var:

"Birincisi, Azərbaycanın ərazi bütövlüyü və  suverenliyinin tam bərpa edilməsinə nail olan siyasi hakimiyyət mövcud üstünlüyündən istifadə edir: siyasi təcrübədə belə üstünlüyün seçki prosesində istifadə edilməsi təbiidir; İkincisi, Qarabağ mesələsi tam həll edildikdən sonra həm ölkədə, həm də bölgədə yeni situasiya yaranıb, xüsusilə geosiyasi mübarizənin Azərbaycanın daxili siyasi müstəvisinə təsir edəcəyi, yaxud belə cəhdlərin olacağı gözləntisi var: Əliyev daxili siyasətdə üstün mövqeyini daha da möhkəmləndirərək, yeni dövrə güclü şəkildə getmək niyyətindədir".

Politoloq Elxan Şahinoğlu isə düşünür ki, bu qərar geosiyasi vəziyyətlə əlaqəlidir:

"Fikrimcə, prezident İlham Əliyevin 2024-cü ilin 7 fevral tarixində növbədənkənar prezident seçkilərinin keçirilməsi haqda sərəncamı iki amillə əlaqəlidir. Birinci amil əlbəttə ki, Azərbaycanın ərazi bütövlüyü və Qarabağ üzərində suverenliyinin tam bərpasıdır. İkinci amil 2024-cü ildəki geosiyasi vəziyyətlə əlaqəlidir. Cənubi Qafqazda və Azərbaycanda maraqları olan mərkəzlərdə - Rusiya, ABŞ və Avropa İttifaqında da 2024-cü ildə seçkilər keçiriləcək. Böyük oyunçuların başlarının öz seçkilərinə qarışacağından istifadə edilərək Azərbaycanda da seçkini keçirməyə üstünlük verilib. Bu halda Azərbaycanda prezident seçkisinin keçirilməsi planlaşdırılan 2025-ci ili gözləməyə ehtiyac yoxdur".

İslam
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.