Ölkə

Sənədsiz evlərin qazı, suyu, işığı kəsiləcək? - RƏSMİ CAVAB

9 Noyabr 2023 10:02

Baxış: 1 726

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MƏNZİL #QAZ #SU #ELEKTRİK ENERJİSİ #EV

Bu ilin oktyabr ayının 1-dən sonra paytaxtda tikilən sənədsiz fərdi və qeyri-yaşayış evləri elektrik və istilik enerjisi, qaz və su təchizatı şəbəkələrinə qoşulmayacaq.

Yeni qərara görə, sənədsiz evlərə kommunal xidmətlər göstərilməyəcək. Bu xidmətlərin göstərilməsi üçün mütləq şəkildə evin çıxarışı olmalıdır. Bu qərar sosial şəbəkədə geniş müzakirə olunub.

Milli.Az Day.Az-a istinadən xəbər verir ki, əmlak məsələləri üzrə ekspert Elnur Fərzəliyev "Facebook" hesabında hazırda paytaxtda çox sayda sənədsiz evlərin olduğunu xatırladıb:

"Bakı və Abşeron ərazisində yüz minlərlə cıxarışı olmayan fərdi həyət evləri var və onların hər birinin kommunikasiya ilə bağlı bütün sayğacları və qurumlarla müqavilələri var. Əgər o həyət evlərində yaşayan sakinlərin hər hansısa bir kommunikasiya sayğacı xarab olarsa və o sayğacın dəyişdirilməsi ilə bağlı qurumlara müraciət olunarsa, onlardan cıxarış tələb olunacaqmı?"

Məsələyə münasibət bildirən kommunikasyanı həyata keçirən qurum nümayəndələri bu qərarın sayğacı olan və əvvəldən kommunikasiyaya qoşulan abunəçilərə şamil olunmadığını bildiriblər.

"Azərsu" ASC-nin mətbuat xidmətinin rəhbəri Anar Cəbrayıllının sözlərinə görə, icazə sənədi yeni abonent olmaq istəyənlərdən tələb olunacaq.

Milli.Az

Xəbərlərimizi WhatsApp kanalımızdan da oxuyun