Ölkə

Azərbaycan vətəndaşları bu ölkəyə səfər zamanı elektron viza ala biləcəklər

7 Avqust 2023 09:54

Baxış: 2 334

VTB-də minimal faiz dərəcəsi ilə nağd kredit 10.49%-dən

Azərbaycan vətəndaşları Səudiyyə Ərəbistanına səfər zamanı elektron viza ala biləcəklər.

Milli.Az APA-ya istinadən bildirir ki, bu barədə ölkənin müvafiq qurumları qərar verib.

Məlumata görə, səkkiz yeni ölkə - Albaniya, Azərbaycan, Gürcüstan, Qırğızıstan, Maldiv adaları, Cənubi Afrika Respublikası, Tacikistan və Özbəkistan səfər vizalarını elektron şəkildə ala biləcək. Bu ölkələrdən olan vətəndaşlar Səudiyyə Ərəbistanına səfər edən zaman hava limanından da elektron şəkildə viza ala biləcəklər.

Qeyd edilib ki, bununla da Səudiyyə Ərəbistanına elektron şəkildə viza ala biləcək ölkələrin sayı 57-yə çatdırılır.

Bildirilib ki, bu qərar ölkənin turizm imkanlarını artırmaq, 2030-cu ilə qədər ölkəyə hər il 100 milyon ziyarətçi qəbul etmək məqsədilə qəbul edilib.

Qeyd edilib ki, 2022-ci ildə ölkəyə 93,5 milyon ziyarətçi səfər edib ki, bu da turizm gəlirlərini 2021-ci illə müqayisədə 93% artıraraq 185 milyard riyal (49 milyard ABŞ dolları) təşkil edib.

Milli.Az