Ölkə

BQXK-ya məxsus avtomobillər Laçın yolundan keçib - FOTO

24 Fevral 2023 09:40

Baxış: 608

VTB-də minimal faiz dərəcəsi ilə nağd kredit 9.9%-dən

#LAÇIN

Beynəlxalq Qırmızı Xaç Komitəsinə (BQXK) məxsus 7 avtomobil yenidən Laçın yolundan keçib.

Milli.Az Trend-ə istinadən xəbər verir ki, BQXK-ya məxsus 6 minik, bir yük maşınının Laçın istiqamətinə maneəsiz keçməsi üçün şərait yaradılıb.

Bu, bir daha onu göstərir ki, aksiyanın təşkil olunduğu ərazidə humanitar məqsədli maşınların hərəkəti sərbəstdir və buna heç bir maneə yoxdur.

Qeyd edək ki, Qarabağda "Qızılbulaq" və "Dəmirli" faydalı qazıntı yataqlarının qanunsuz istismarı nəticəsində ətraf mühitə vurulmuş ziyanın monitorinqinin aparılmasına icazə verilməsini tələb edən azərbaycanlı ekoloqların, qeyri-hökumət təşkilatlarının nümayəndələrinin və fəallarının ötən il dekabr ayının 12-dən Şuşa ərazisindən keçən Laçın-Xankəndi yolunda təşkil etdikləri etiraz aksiyası 75 gündür davam edir.

Milli.Az