Ölkə

Milli.Az 13 yaşında!

1 Fevral 2023 13:12
Baxış: 802
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu gün Milli.Az-ın 13 yaşı tamam oldu. Tam 13 il əvvəl yaranmış sayt o dönəmdəki informasiya məkanında çoxsaylı onlayn informasiya vasitələrindən biri idi.

Lakin çox qısa müddətdən sonra Milli.Az ölkənin ən çox oxunan internet resurslarından birinə çevrildi.

Vaxt keçdikcə Milli.Az böyüdü, genişləndi, funksionallığını, operativliyi, əhatə dairəsini və ən başlıcası, oxucu auditoriyasını artırdı.

İlk günündən səhih və dəqiq xəbərlər, baş verən hadisələrə mütəxəssis və ekspertlərin rəyləri, obyektiv informasiyalar vermək yolunu seçən Milli.Az-ın oxucularının sayı fasiləsiz artmaqdadır. Artıq stabil hal almış bu artım Milli.Az İnternet portalındakı kontent, informasiya və xəbərlərə olan tələbatla bağlıdır. Milli.Az İnternet portalının oxucu auditoriyasının stabil artımı həm də portal yaranandan bəri aparılan təkmilləşmə və inkişaf işlərinin məntiqi nəticəsidir.

Ciddi veb-resurs üçün qısa zaman sayıla biləcək 13 il ərzində Milli.Az bir çox mükafat qazanıb, populyarlaşıb və Azərbaycanın aparıcı kütləvi informasiya vasitələrindən birinə çevrilib.

Saytın fəaliyyəti baş verən hadisələrlə bağlı oxucularımızı obyektiv, sürətli və ən başlıcası, vaxtında məlumatlandırmaqla yanaşı, Azərbaycanın informasiya məkanı ilə yanaşı, ümumi inkişafına xidmətdir.

Bu gün Milli.Az İnternet portalı Azərbaycanda ən çox oxunan, sayılan və nüfuzlu kütləvi informasiya vasitələrindən biridir.

Milli.Az bundan sonra da oxucularına sadiq qalaraq millətin və dövlətin maraqları naminə çalışmağa davam edəcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.