20:32
Bu gün səhər saatlarından etibarən Şuşa şəhəri ətrafında Rusiya sülhməramlılarının postunda etiraz aksiyası keçirən Azərbaycanın qeyri-hökumət təşkilatlarının (QHT) nümayəndələri aksiyanı davam etdirirlər
Trend-in hadisə yerində olan əməkdaşının bildirdiyinə görə, etirazçılar məsələ həll olunana qədər qədər burada qalacaqlarını deyirlər.
Onlar sülhməramlı kontingentin komandiri Andrey Volkovun gəlişini tələb edirlər.
-------
18:14
Şuşa şəhəri ətrafında Rusiya sülhməramlılarının postunda etiraz aksiyası keçirən Azərbaycanın qeyri-hökumət təşkilatlarının (QHT) nümayəndələri dağılışmaq fikrində deyillər.
Milli.Az Trend-ə istinadən xəbər verir ki, etirazçılar "sona qədər burada qalacağıq" deyirlər.
Onlar sülhməramlı kontingentin komandiri Andrey Volkovun gəlişini tələb edirlər.
Qeyd edək ki, Azərbaycanın qeyri-hökumət təşkilatlarının nümayəndələri Rusiya sülhməramlılarının Şuşa şəhəri yaxınlığındakı postu yanında etiraz aksiyası keçirirlər. Onlar azərbaycanlı mütəxəssislərin Azərbaycan yataqlarının qanunsuz istismarı ilə bağlı monitorinq aparmaq üçün əraziyə buraxılmamasına etiraz edirlər.
Milli.Az