Ölkə

Bu tarixədək Azərbaycanda bütün evlərə, ucqar kəndlərə fiberoptik kabellər çəkiləcək

21 Noyabr 2022 13:04

Baxış: 1 151

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Hazırda Azərbaycanda 472 min evə fiberoptik kabel çəkilib və 2024-cü ilin sonuna qədər Azərbaycanda bütün evlərə, ucqar kəndlərə fiberoptik kabellər çəkiləcək.

Milli.Az Trend-ə istinadən bildirir ki, bunu rəqəmsal inkişaf və nəqliyyat naziri Rəşad Nəbiyev noyabrın 21-də "Şəhərlərin və kənd yerlərinin inkişafına innovativ yanaşma: ağıllı şəhər və kəndlər" mövzusunda beynəlxalq konfransda çıxışı zaman deyib.

O qeyd edib ki, Azərbaycan unversitetlərini hər il İT ixisasları ilə 3 minə qədər tələbə bitirir. "Biz çalışacağıq ki, digər ixtisaslardan olan tələbələrə, fizika, riyaziyyat üzrə tələbələrə də təlimlər keçməklə İT ixtisası üzrə tələbələrin sayını artıraq. Azərbaycanda bu sahədə mütəxəsisə ehtiyac var. Biz bunları etdikdən sonra bizi düşündürən ən vacib məsələ bunun qorunması və kibertəhlükəsizliyin təmin edilməidir. Azərbaycan Texniki Universiteti ilə razılaşmamız var, yaxın illərdə Universitet tərəfindən 932 təhlükəsizlik üzrə mütəxəsis hazırlanacaq və bu sahədə mütəxəsislərin yetişdirilməsi davam etdiriləcək", - deyə nazir əlavə edib.

Milli.Az