Ölkə

Bizə bu gözəl Vətəni bəxş edən bütün şəhidlərimizin ruhu qarşısında baş əyirik - MÜSİAD Azərbaycan

27 Sentyabr 2022 15:00
Baxış: 390

MÜSİAD Azərbaycan 27 Sentyabr - Anım Günü ilə bağlı bəyanat yayıb.

Milli.Az Trend-ə istinadən bildirir ki, bəyanatda deyilir:

"İnsan insan olur öz hünəriylə.
Millət, millət olur xeyri, şəriylə,
Torpağın bağrına cəsədləriylə,
Azadlıq toxumu əkdi Şəhidlər.

(Xalq şairi Bəxtiyar Vahabzadə)

Bəli, Zəfər qazanmaq təəssüf ki, Şəhid vermədən olmur. 1990-cı ildən bu günə qədər Azadlıq mübarizəmizdə Şəhidlərimiz olub. Onlar şairimizin dili ilə desək torpağın bağrına toxum əkiblər. Əkilmiş toxumlar öz nəticəsini verdi. Bu gün biz bütün şəhidlərimizi həsrətlə, qürurla, hörmətlə anırıq !

Biz bu savaş dönəmində bir daha bizim yanımızda olanların, qarşımızda olanların şahidi olduq. Qardaş Türkiyə hər zaman olduğu kimi Azərbaycanı öz haqlı davasında dəstəklədi.

Azərbaycan və Türkiyə dövlətləri arasında dostluq, qardaşlıq əlaqələri qədim tarixə malikdir.

Əsrlər boyu xalqlarımız həmişə bir-birinə dəstək olub, sıx əməkdaşlıq edib, Ulu Öndər Heydər Əliyevin müdrikcəsinə dediyi kimi, "Bir millət, iki dövlət" olublar.

Təsadüfi deyildir ki, Türkiyə dövlətinin müdrik şəxsiyyəti Mustafa Kamal Atatürk Azərbaycanın kədərini Türkiyənin kədəri, sevincini isə Türkiyənin sevinci hesab edib.

Türk dünyasının hər iki lideri öz müdrik kəlamları ilə gələcək nəsillərə əbədi olaraq bir mesaj qoyublar: Türkiyə Azərbaycan arasındakı dostluq-qardaşlıq münasibətləri əbədi və sarsılmazdır.

Torpaq-əgər uğrunda ölən varsa vətəndir. Bizə bu gözəl Vətəni ərmağan edən bütün şəhidlərimizin ruhu qarşısında baş əyirik.

Allahdan rəhmət diləyir, qəbrləri nurla dolsun deyirik !

Bütün qazilərimizə Allahdan şəfa diləyirik", - deyə məlumatda bildirilib.

Milli.Az 

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics