Ölkə

Pandemiyaya görə Bakıya şanapipik gəlmir

12 May 2022 14:30
2 Şərh     Baxış: 1 845

Son iki ildə Bakıya baharın müşdəçisi olan qaranquşlar gəlmir.

Bunu APA-ya açıqlamasında Azərbaycan Milli Elmlər Akademiyasının Quru Onurğalıları Laboratoriyasının aparıcı elmi işçisi, biologiya üzrə elmlər doktoru Tahir Kərimov bildirib.

Tahir Kərimov deyib ki, son iki ildə qaranquşların Bakı şəhərinə gəlməsinin əsas səbəbi pandemiya zamanı aparılan dərmanlamalardır. Məsələ ondadır ki, qaranquşlar əsasən ağcaqanadlarla qidalanan quşlardır, son illərdə isə paytaxtda demək olar ki, ağcaqanadlar tamamilə yoxa çıxıb: "Son iki ildə koronavirus pandemiyası ilə bağlı Bakıda mütəmadi olaraq dərmanlama işləri aparılıb. Buna görə də Bakıda demək olar ki, ağcaqanadların kökü kəsilib. Quşların yaşayışı üçün əsas faktorlar yem mənbəyidir, pandemiya dövrünə də dərmanlama işlərinin aparılması bu quşların dar qida arsenalını məhv etdi. Bu quşların qidalandığı ağcaqanadlar yoxdursa, deməli, o yerdə qaranquşlar da yoxdur".

Bioloq qaranquşların Bakıya gəlməsinin digər səbəbinin isə iqlim dəyişikliyi ilə əlaqədar ola biləcəyini deyib: "Hazırda iqlim dəyişikliyi ilə bağlı bir çox quş növlərinin yaşayış arealı şimala çəkilib. Güclü istiləşməyə səbəbindən Azərbaycanda da bir neçə quş növü itirilmək üzrədir".

Tahir Kərimov qeyd edib ki, pandemiya ilə bağlı aparılan dərmanlara görə qaranquşlarla yanaşı şanapipiklər də Bakıya gəlmir.

AMEA üzvi onu da əlavə edib ki, Azərbaycanın digər şəhər və rayonlarında da qaranquşlar sayı azalsa da, bu il hansı ərazilərə gəlib-gəlmədikləri ilə bağlı hələ ki, monitorinq aparılmayıb.

Milli.Az

40 000 AZN-dək krediti ONLAYN sifariş et!

Şərh yaz:

2 Şərh:

  • Anonim
    Zemine Elturan · 13 May 22:1400

    Salyanda qaranquşlar bahar bayramının səhəri günündən görünməkdədirlər.Artıq yumurta qoyaraq, bala da çıxarmışlar.

    Cavab yaz
  • Anonim
    Patriot · 14 May 01:0100

    Bu da təzə çıxdı ? Tahir müəllim monitorinqi harda aparıb görəsən ?Əhmədlidə, Qarayev metrosu ətrafında qışda da ağcaqanad əlindən tərpənmək olmur. Yalanın quyruğu olmur ki...sırıyın yalanı camaata(((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics