Ölkə

Məhkəmə Tağıyevin heykəlini zədələyənlər barədə qərar verdi

21 Yanvar 2022 17:12
3 Şərh     Baxış: 3 139

Səbail rayon məhkəməsində Hacı Zeynalabdin Tağıyevin Bakıdakı heykəlinin zədələməkdə təqsirləndirilən 1991-ci il təvəllüdlü Vüqar Tağızadə və 1996-cı il təvəllüdlü Allahverdi Məmmədlinin işi üzrə məhkəmə prosesi keçirilib.

Milli.Az xəbər verir ki, prosesdə qərar qəbul olunub. Məhkəmənin qərarı ilə təqsirləndirilən şəxslər barəsində polis nəzarəti qətimkan tədbiri seçilib.

Hər iki şəxs sərbəst buraxılıb və polisin nəzarətinə verilib.

Qeyd edək ki, yanvarın 18-də Hacı Zeynalabdin Tağıyevin Bakıdakı heykəlinin gecə saatlarında zədələnib.

Səbail rayon Polis İdarəsi əməkdaşları tərəfindən həyata keçirilən əməliyyat-axtarış tədbirləri nəticəsində əməli törətməkdə şübhəli bilinən şəxslər - 1991-ci il təvəllüdlü Vüqar Tağızadə və 1996-cı il təvəllüdlü Allahverdi Məmmədli ilə müəyyən olunaraq saxlanılıb.

Qeyd olunan hərəkətlərdə xuliqanlıq, tarix və mədəniyyət abidələrini qəsdən məhv etmə və ya korlama əməlinin tərkib əlamətləri olduğundan fakta görə Səbail RPİ İstintaq şöbəsində Cinayət Məcəlləsinin 221-cü (Xuliqanlıq) və 246-cı (Tarix və mədəniyyət abidələrini qəsdən məhv etmə və ya korlama) maddələri ilə cinayət işi başlanılıb.

Heykəltəraş hadisə yerinə dəvət olunub və heykəl bərpa edilib. Abidənin üzərindən qoparılan element yerinə qoyulub.

Milli.Az

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Sumqayıt · 21 Yanvar 17:2221

    Ümid edirəm ki, bu iki dingil gədə Ümummilli lider, Azərbaycanın xilaskarı Heydər Əliyevin heykəllərinə zərər vurmazlar, zərər vursalar belə sərbəst buraxılıb polis nəzarətinə verilməzlər, ən ağır şəkildə cəzalandırılmalıdırlar..Etdikləri tərbiyəsizlik cəzasız qalmamalıdır..

    Cavab yaz
  • Anonim
    LEYLA♡ · 21 Yanvar 18:1320

    Bunlarda dünyaya gələndə valideynləri sevinib ki, oğlum olub ) Heyif...

    Cavab yaz
  • Anonim
    Akif Nagiyev · 21 Yanvar 20:3611

    Bunlarada pul verib oyredibler dee serefsizler.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics