Ölkə

Metroda vəfat edən şəxs BDU-nun baş müəllimi imiş - FOTO

9 Dekabr 2021 11:45
0 Şərh     Baxış: 4 240

Bu gün səhər saatlarında metronun "28 May" stansiyasında vəfat edən şəxs Bakı Dövlət Universitetinin Kimya fakültəsinin Analitik kimya kafedrasının baş müəllimi Əhməd Babayev olub. 

Bu barədə Milli.Az-a universitetdən məlumat verilib. Bildirilib ki, 72 yaşlı müəllimin qəfildən halı pisləşib və vəfat edib. 

Ə.Babayevin 1978-ci ildən BDU-da pedaqoji fəaliyyətə başladığı, 65-dən çox elmi əsərin, 2 metodiki vəsaitin müəllifi olduğu bildirilir.

Xatırladaq ki, hadisə bu gün səhər 08:10 radələrində baş verib. Ə. Babayev qatarda özünü pis hiss etdiyindən "28 May" stansiyasında platformaya düşürülüb. Artıq həmin vaxt sərnişin özündə olmayıb. Hadisə yerinə dərhal Təcili Tibbi Yardım  çağırılıb və ölüm faktını təsdiq edib.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.