Ölkə

Qəzadan sağ çıxan polkovnik-leytenant hadisənin necə baş verməsindən danışdı - VİDEO

1 Dekabr 2021 11:26
5 Şərh     Baxış: 11 096

Helikopterdə heç bir nasazlıq, şübhəli məqam yox idi.

Bu barədə Real TV-yə müsahibələri zamanı helikopterdə olan və qəzadan sağ çıxan hərbçilər polkovnik-leytenant Emil Cəfərov və kapitan Ramin Ədilov deyiblər.

E.Cəfərov qeyd edib ki, 30 noyabr 2021-ci ildə praktiki atışlı təlim uçuşları olmalı idi: "Səngəçal aerodromundan qalxıb Qaraheybət istiqamətinə getməli idik. İstiqamət üzrə getdik, meydançaya eniş manevri etdikdən sonra qəza baş verdi. Sərnişin kabinetində olduğum üçün tam təfərrüatları ilə xatırlamıram. Heç bir nasazlıq, şübhəli məqam yox idi. Helikopterdə desant daşıma sayı 24 nəfərdir, bu baxımdan heç bir məhdudiyyət aşılmamışdı", - deyə o bildirib.

Səhhəti ilə bağlı danışan polkovnik-leytenant ayağında əzilmə, sol qolunun yuxarı hissəsində isə sınıq olduğunu qeyd edib.

Kapitan R.Ədilov da helikopterdə eniş zamanı idarəetmənin itirildiyini və bir anda qəzanın baş verdiyini bildirib.

Qeyd edək ki, Dövlət Sərhəd Xidmətinin hərbi helikopterinin Xızı rayonu ərazisində yerləşən "Qaraheybət" aviasiya poliqonunda təlim uçuşları zamanı qəzaya uğraması nəticəsində polkovnik Cavadov Fizuli Əli İbram oğlu, polkovnik Nəzirov Emil Nəzir oğlu, mayor Həsənov Elmir Mircəlil oğlu, mayor Əhmədov Elbrus Səmrəddin oğlu, mayor Mayılov Emil Şahid oğlu, mayor Məmmədov Murad Yaşar oğlu, mayor Əliyev Emil Elman oğlu, tibb xidməti kapitanı Əhmədxanov Ceyhun Xanlar oğlu, kapitan Bayramlı Cavid Əhliman oğlu, kapitan Əliyev Xəyyam Əlixan oğlu, kapitan Qaraisayev Teymur Ənvər oğlu, leytenant Süleymanov Abdulla Telman oğlu, baş leytenant Nağıyev Fərid Təyyar oğlu, işçi Nəbiyev Elçin Fikrət oğlu həlak olub.

Hadisə zamanı polkovnik-leytenant Cəfərov Emil Məmməd oğlu və kapitan Ədilov Ramin Ramiz oğlu yaralanıb.

Milli.Az 

35 000 AZN-dək krediti ONLAYN sifariş et!

Şərh yaz:

5 Şərh:

  • Anonim
    asi · 1 Dekabr 2021 12:0250

    Allah Şəhidlərimizə rəhmət etsin..Qəzadan belə yaxşı vəziyyətdə sağ çıxan olubsa, bəs necə olub ki, 14 nəfər Şəhid oldu??...

    Cavab yaz
  • Anonim
    Esra ıbrahimli(Şamaxı) · 1 Dekabr 2021 12:0420

    Hec bu qəza etmiş helikopterden düşənə oxşamır.Mirşahin danışdı bu yox.Allah şəfa versin.

    Cavab yaz
  • Anonim
    Melek b · 1 Dekabr 2021 12:5410

    Şəhidlərimizə Allahdan rəhmət diləyirəm.Yarali hərbicimizdə tezliklə saqalsin İnşallah

    Cavab yaz
  • Anonim
    Zakir · 1 Dekabr 2021 18:5810

    Allah rəhmət eləsin . Allah millətimizə səbr versin

    Cavab yaz
  • Anonim
    Ayan · 2 Dekabr 2021 17:4700

    Allah Şəhid Qardaşlarımızı rəhmət eləsin yaralılarada şəfa versin

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.