Avto

13 min maşın geri çağırılır - Pulsuz təmir edəcəklər

23 Oktyabr 2025 10:30

Baxış: 2 558

VTB-də minimal faiz dərəcəsi ilə nağd kredit 9.9%-dən

#DÜNYADA #AVTO #AVTOMOBİL #TESLA MOTORS #MAŞIN BAZARI

ABŞ-nin elektrikli avtomobil istehsalçısı Tesla batareya sistemində yaranmış texniki nasazlığa görə 13 minə yaxın avtomobilini geri çağırır.

Milli.Az xəbər verir ki, ABŞ-nin Yol Hərəkəti Təhlükəsizliyi İdarəsinin məlumatına görə qərar 2025-ci il istehsalı Model 3 və 2026-cı il istehsalı Model Y modellərinə aiddir.

Açıqlamada bildirilib ki, batareya paketindəki kontakt qurğusunda yaranan nasazlıq avtomobilin qəfil enerji itirməsinə səbəb ola bilər ki, bu da sürüş təhlükəsizliyi üçün risk yaradır.

Tesla ümumilikdə 12 min 963 avtomobilin bu qüsurdan təsirləndiyini açıqlayıb. Şirkət nasaz kontakt hissələrini pulsuz dəyişdirəcəyini və avtomobil sahiblərinə 9 dekabrdan etibarən rəsmi bildiriş məktubları göndəriləcəyini bildirib.

İsmayıl
Milli.Az