Avto

Maşına bir parça sabun qoyun – fərqi dərhal hiss edəcəksiniz

11 Oktyabr 2025 20:42

Baxış: 2 837

VTB-də minimal faiz dərəcəsi ilə nağd kredit 9.9%-dən

#AVTOMOBİL

Keçmişdə sürücülərin avtomobilində paltar sabunu olmadan yola çıxması demək olar ki, mümkün deyildi. Əvvəllər sabun yalnız təmizlik üçün yox, avtomobil baxımında da əvəzedilməz bir vasitə kimi istifadə olunurdu.

Milli.Az sabunun 3 möcüzəvi funksiyasını təqdim edir:

Köhnə ustalar sabunun təbii sürtkü xüsusiyyətindən istifadə edərək avtomobildə yaranan qıcırtı səslərini aradan qaldırırdı. Qapı menteşələri, sıxılmış boltlar və ya pedal mexanizmlərinə sabun sürtüləndə sürtünmə azalır, səs tamamilə yox olurdu. Bu üsul bu gün də kiçik texniki müdaxilələrdə effektiv hesab edilir.

Kondisioner sistemlərinin olmadığı dövrlərdə buğlanma sürücülərin ən böyük problemlerindən biri idi. O zaman sabun ön şüşəyə nazik qatla sürtülür, daha sonra quru parça ilə silinirdi. Bu üsul sayəsində şüşənin səthində nəmlik toplanmır, görüntü daha uzun müddət aydın qalırdı. Mütəxəssislər bildirir ki, bu metod bu gün də xüsusilə köhnə avtomobillərdə faydalı ola bilər.

Sabun benzinin təsiri ilə sərtləşərək plastikvari bir tıxac əmələ gətirir. Buna görə də əvvəllər uzun yolda yanacaq çənində kiçik bir deşik yarandıqda sürücülər sabun parçasını həmin yerə basaraq sızmanı müvəqqəti dayandırırdılar.

Bu üsullar keçmişdə qalsa da, bu gün də işə yarayır

Müasir avtomobillərdə plastik yanacaq çənləri və inkişaf etmiş servis xidmətləri bu metodları çox zaman lazımsız etsə də, paltar sabunu hələ də bir çox sürücü üçün çoxfunksiyalı təcili yardım vasitəsi kimi hesab olunur. Kiçik texniki problemlər, şüşə təmizliyi və fövqəladə vəziyyətlərdə bu sadə vasitə praktik həll təqdim edir.

Lalə Qüdrətova
Milli.Az