Avto

"Renault" yeni tam ötürücülü elektrik krossoverini təqdim edib - FOTO

18 May 2025 15:49

Baxış: 231

VTB-də minimal faiz dərəcəsi ilə nağd kredit 10.49%-dən

#MARAQLI #AVTO

"Renault 4" modelinin tam ötürücülü (AWD) elektrik versiyası təqdim olunub.

Milli.Az xəbər verir ki, yeni model Renault 4 Savane 4×4 adlanır və hələlik konsept avtomobil kimi nümayiş etdirilir.

Standart hetçbekdən fərqli olaraq, bu versiyada iki elektrik mühərriki, genişləndirilmiş təkər izləri və artırılmış klirens (yerdən hündürlük) mövcuddur.

"Renault 4" Savane 4×4 konsepti ilə Fransız istehsalçı AmpR Small platformasının imkanlarını nümayiş etdirir. Avtomobilə ikinci bir elektrik mühərriki əlavə olunub, təkər izləri genişləndirilib və klirens 15 mm artırılıb.

Tam ötürücü sistem avtomobili tam off-road (yolsuzluq) maşınına çevirmir. Amma qeyd edilməlidir ki, bu modelin sələfləri - "Renault Colorale Savane" və orijinal R4 Savane də yolsuzluq avtomobilləri olmayıb. Buna baxmayaraq, "Savane" adı "Renault"un klassik modelləri ilə assosiasiya olunur.

Konsept avtomobil "Jade Green" (Yəşim Yaşıl) adlı yeni yaşıl rəngə boyanıb. Dam hissəsi isə pikselli naxışla bəzədilmiş parçadan hazırlanıb. Standart bufer dayaq elementləri 3D çapla istehsal edilmiş, amortizasiya xüsusiyyətli yeniləri ilə əvəz edilib. Salon isə termoplastik polimer parçalarla örtülüb. Son toxunuşlar arasında oturacaq arxalarında "4" rəqəmi və "houndstooth" (itdişi) naxışı olan tikmələr yer alır.

Kənan
Milli.Az