Avto

"BYD" "Nissan"ı çətin vəziyyətə salıb - "Honda" da riskə getmək istəmir

30 Yanvar 2025 16:05

Baxış: 2 835

VTB-də minimal faiz dərəcəsi ilə nağd kredit 9.9%-dən

#CƏMİYYƏT #AVTO #INFİNİTİ NİSSAN #MAŞIN BAZARI #BYD BUİLD YOUR DREAMS

"Honda" və "Nissan" avtomobil satışlarının azalması fonunda birləşərək bazar paylarını qorumağı planlaşdırır.

Milli.Az xəbər verir ki, "Honda"nın satışları 2023-cü ildə 4,6% azalaraq 3,8 milyon ədədə, istehsalı isə 11% enərək 3,7 milyon avtomobilə düşüb. "Nissan" isə ötən il 0,8% satış itkisi ilə 3,3 milyon avtomobil satıb, istehsal isə 8,7% azalaraq 3,1 milyona geriləyib. Bu rəqəmlər iki şirkətin birləşməsinin zəruriliyini önə çıxarır.

Yapon şirkətləri ötən ilin sonunda ortaq holdinq qurmaq planlarını açıqlayıblar. Əgər "Mitsubishi" də bu ittifaqa qoşularsa, üçlük illik 8 milyon avtomobil sataraq Toyota (10,8 milyon) və Volkswagen (9 milyon) ilə rəqabət aparmaq imkanına sahib ola bilər.

Lakin "Nissan"ın maliyyə çətinlikləri "Honda"nı ehtiyatlı olmağa vadar edir. "Nissan" ABŞ-də iş yerlərini azaltmaq və istehsal gücünü 20% aşağı salmaq planları ilə böhrana qarşı tədbirlər görsə də, "Honda" bu addımların yetərli olub-olmadığına şübhə ilə yanaşır.

Bu arada "Nissan"ın 36%-nə sahib olan Fransanın "Renault" şirkəti də Yaponiyaya nümayəndə heyəti göndərərək bu birləşmədən doğan maliyyə riskləri ilə bağlı narahatlığını ifadə edib. "Nissan"ın Çin və ABŞ bazarlarındakı zəif performansı onun gəlir proqnozunu 70% azaltmasına səbəb olub.

İslam
Milli.Az