Avto

"Mazda" 28 il sonra loqosunu dəyişir

30 Yanvar 2025 11:44

Baxış: 2 604

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #AVTO #MAZDA MOTOR CORP #AVTOMOBİL

Dünyanın ən etibarlı avtomobillərinin istehsalçısı "Mazda" 28 il sonra loqosunu yeniləyir.

Milli.Az xəbər verir ki, Şirkət uzun illərdir istifadə etdiyi üç ölçülü loqosundan imtina edərək daha müasir və minimalist dizayna keçəcək. Yeni loqoda ikonik oval forma və içindəki "M" hərfi saxlanılsa da, qağayı qanadlarını xatırladan "M" hərfi daha kəskin və aydın xətlərə sahib olacaq.

Mazda yeni loqosunu 30 yanvarda keçiriləcək tədbirdə rəsmi olaraq təqdim edəcək. Bu tarix eyni zamanda markanın 105-ci ildönümünü qeyd edir. Yeni loqo metalik toxuması olmayan tamamilə iki ölçülü görünüş təqdim edəcək.

Mazda nümayəndələri, bu yeni və daha sadə versiyanın smartfonlar və noutbuk ekranlarında daha yaxşı göründüyünü bildirir. Əslində, bu dəyişiklik avtomobil dünyasında son illərdə tez-tez qarşılaşılan bir trendlə uyğun gəlir. Volkswagen, Audi, BMW, Renault, Nissan, Ford və Jaguar kimi markalar da oxşar şəkildə loqolarını sadələşdirərək rəqəmsal platformalarla daha uyğun hala gətirmişdilər.

Yeni loqonun təmiz xətləri və tək rəngli quruluşu, rəqəmsal ekranlarda daha aydın bir görünüş təmin edəcək. Şirkət yeni və köhnə loqonu istifadənin sahəsinə görə fərqli şəkildə qiymətləndirə biləcəyini qeyd edir.

Qeyd edək ki, Mazda 1920-ci ildə qurulanda ilkin olaraq maşın alətləri istehsal edirdi. Sonra motosiklet və üç təkərli yük maşınları istehsal etməyə başladı. Bu gün dünyanın ən köklü avtomobil markalarından biri kimi tanınır.

İslam
Milli.Az